Британияда аспазшы-робот құрастырылды
АСТАНА. ҚазАқпарат - Британиялық компания мейрамханада аспазшының орнын баса алатын роботты құрастырды. Роботтың жадына тағамның 2000 түрінің дайындау үлгісін енгізген. Олар барлық қажетті өнім дайындалған жағдайда, тағамды өз бетінше әзірлейді.
Робот ингредиенттерді қосады, қамыр илейді, дайындау температурасы мен уақытын реттейді, асты араластырып, дайын болғанын анықтайды, деп хабарлады Kedem.
Аспазшы-роботтың бір сынама данасы ғана құрастырылды. 2017 жылға қарай мұндай машиналарды тапсырыс бойынша шығару көзделген.
