Британияда денесіне өрнек салған адамдар контрбарлаушы бола алмайды

АСТАНА. ҚазАқпарат - Британиялық MI5 контрбарлау қызметі ғаламторда қызмет вакансиясын жариялады. Бұл қызметке үміткерлердің жүзінде, мойны мен білегінде өрнектің (тату) болмауы шарт. Мұндай шектеудің қойылуы арнайы агентті осы дене өрнегінен танып қоюға болатындығымен байланысты.

Бұл туралы Би-би-си жазады.

Сонымен қатар, үміткер ерлердің бойы 1,86 метрден артық емес, ал әйелдердің бойы - 1,72 метрден аспауы тиіс. Арнайы қызметтің болашақ қызметкерлерінің дене қуаты мықты, көру және есту қабілеттері жақсы болуы қажет.