Британияда футбол жанкүйері полицейдің атын ұрғаны үшін түрмеге түсті
АСТАНА. 31 қазан. ҚазАқпарат - 45 жастағы футбол жанкүйері Барри Роджерсон «Ньюкасл-Юнайтед» және «Сандерленд» матчынан кейін жаппай төбелес кезінде полицей атын тұмсығынан ұрғаны үшін бір жыл түрмеде отырады.
Түрмеден басқа, Роджерсонға алты жыл бойы Ұлыбританиядағы кез келген футбол матчтарына баруға тыйым салынады. Бұл жағдай сәуір айында «Ньюкасл» 3:0 есебімен жеңілгенде орын алды. Ал Бад деп ат қойылған жылқы болса соққыдан зардап шеккен жоқ, деп хабарлады ИТАР-ТАСС.
