Британияда миллиардерлер саны алғаш рет 100-ден асты
АСТАНА. ҚазАқпарат - Ұлыбритания аумағында тұратын долларлық миллиардерлер саны алғаш рет жүзден асып жығылып, 104-ке жетті. Бұл туралы Би-би-си Sunday Times газетіне сілтеме жасап хабарлады.
Басылым сарапшы Филип Бересфордтың сөзінен мәліметтер келтірген. Мәселен, оның мәліметтерінше, тізімдегі 73 адам Лондонда тұрады, сөйтіп ол аса дәулетті тұрғындар санымен бірінші орынға шығып отыр.
Мәскеуде - 48, ал Нью-Йоркте - долларлық 43 миллиардер тұрады.
Бересфордтың атап өтуінше, Британиядағы ең бай адамдардың осындай табысқа жетуіне салық режимінің қолайлылығы, мәдени демалыстың әртүрлілігі және білімнің жоғары сапасы игі ықпал еткен.
