«British Lionhearts» - «Astana Arlans»: шаршы алаңға кімдер шығады?
АСТАНА. ҚазАқпарат - «British Lionhearts» - «Astana Arlans» командалары арасындағы кездесуде шаршы алаңға шығатын боксшылар белгілі болды. Бұл мәліметті «Astana Arlansтың» ВКонтакте желісіндегі ресми парақшасына сілтеме жасай отырып, «Sports.kz» қазақстандық спорт порталы жария етті.
Атап айтқанда, С1 салмақ дәрежесінде бүгін түнде:
49 кг: Галал Яфай - Жомарт Ержан;
56 кг: Питер Макгрейл - Нұрсұлтан Көшеғұлов;
64 кг: Пэт Маккормэк - Самат Башенов;
75 кг: Трой Уильямсон - Мейірім Нұрсұлтанов;
91 кг: Джосип-Бепо Филипи - Мұхамеджан Еркін.
Ал ертең С2 салмақ дәрежесінде:
52 кг: Корюн Согомонян - Азамат Исақұлов;
60 кг: Люк Маккормэк - Зәкір Сафиуллин;
69 кг: Джощуа Келли - Асланбек Шымбергенов;
81 кг: Радослав Димитров Панталеев - Нұрдәулет Жарманов;
+91 кг: Фрэйзер Кларк - Қамшыбек Қоңқабаев.
Егер есеп тең болған жағдайда, қосымша кездесу өткізілуі ықтимал. Онда 52 кило салмақта Санни Эдвардс пен Азат Махметов шаршы алаңға шығуы мүмкін.
Бұған дейін хабарлағанындай, «Astana Arlans» - «British Lionhearts» арасында екі күндік кездесуді «Хабар» телеарнасы тікелей эфирде көрсетуді жоспарлап отыр. Бүгін және ертең де бокс кеші Астана уақытымен 01-00-де басталады.
