Брюс Лидің қимылдарын айнытпай салған 4 жасар бүлдіршіннің ептілігі таңдай қақтырды

АСТАНА. ҚазАқпарат - Қытайлық 4 жасар бүлдіршіннің әлемге әйгілі актер әрі жекпе-жек өнерінің шебері Брюс Лидің әр қимылын ептілікпен айна-қатесіз қайталағаны көрсетілген бейнеролик ғаламтор пайдаланушылары арасында танымалдылыққа ие болды.

Ол актердің «Айдаһардың шығуы» («Выход дракона») және «Ажалмен ойнау» («Игра смерти») фильмдеріндегі қимыл әрекеттерін асқан дәлдікпен қайталап шықты. Өкінішке орай, ғаламторда жарияланған бұл бейнероликтегі өнерлі бүлдіршін туралы еш мәлімет жоқ, алайда тағы бір талантты жастың өсіп келе жатқаны даусыз , деп жазады Вести.