Бішкек пен Ош арасында қар көшкіні жүріп, жол жабылды

Бішкек – Ош автожолының 127-шақырымында қар көшкіні түскен. Бұл жайында Kazinform агенттігі жергілікті Кабар басылымына сілтеме жасап хабарлайды.

Осыған байланысты «Толкун-1» бекетінде көлік құралдарының жүруіне тыйым салынды.

Қазіргі уақытта жергілікті жерде қызметкерлер жолды тазартып жатыр. 

Жол полициясы инспекторлары да жүргізушілер арасында түсіндіру жұмысымен айналысып жатыр.