Бішкектің аумағы үш есе ұлғаяды
Бішкек аумағы үш есеге жуық артады. Бұл туралы Бішкек қалалық кенеш сессиясында астана мэрі Айбек Джунушалиев мәлім етті. Kazinform бұл туралы 24.kg сайтына сілтеме жасап хабарлайды.
«Кейінгі ұсыныс бойынша астана аумағы 12 900-ден 37,8 мың гектарға дейін кеңейеді», - деді ол.
Қала басшысының сөзінше, сегіз айыл окмот пен төрт ауылдық басқарманың кейбір ауылдары Бішкек қаласына қосылады.
Ол жақында президент жарлыққа қол қоятынын атап өтті.
