Бүгін Алматы қаласында ауа сапасы нашарлайды
АСТАНА. ҚазАқпарат – 1 қарашада Қазақстанның көптеген қалаларында ауа сапасы норма шегінде болады, деп хабарлайды ҚазАқпарат.
«Қазгидромет» РМК мәліметінше, сейсенбі күні қолайсыз метеорологиялық жағдай тек Алматы қаласында болжанады.
Қолайсыз метеорологиялық жағдай - атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
ҚМЖ жағдайында елді мекендердегі атмосфералық ауаның сапасы нашарлауы ықтимал.
