Бүгін астанада боччадан Қазақстан чемпионаты басталады

АСТАНА. ҚазАқпарат – 1-4 маусым аралығында елордада паралимпиадалық спорт түрінен ең ірі жарыс – бочча бойынша Қазақстан Республикасының чемпионаты өтеді, деп хабарлайды ҚазАқпарат ҚБФ баспасөз қызметіне сілтеме жасап.

Чемпионатты осы спорт түрін насихаттауға белсене атсалысатын Қазақстан бочча федерациясының президенті Мәулен Әшімбаев ашады деп жоспарланып отыр.

Сонымен қатар, белгілі қоғам қайраткерлері, қоғамдық пікір көшбасшылары, Қазақстандағы инклюзивті және бейімделген спортты қолдайтын ірі ұйымдардың өкілдері спорттық іс-шараның қонағы болады.

Бұл чемпионаттың маңызы зор, өйткені ұлттық құрама осы бәсекенің нәтижелері бойынша жаңартылып, содан кейін Қазақстанның намысын халықаралық жарыстарда – жекпе-жектерде, Паралимпиада және Азия Паралимпиада ойындарында қорғайтын болады.

Чемпионатта еліміздің әр өңірінен 15 және одан жоғары жастағы 50-ге жуық спортшы бақ сынаспақ. Өңірлерде іріктеу кезеңдері аяқталып, республикалық жарысқа елордаға келетін барлық ойыншылар анықталды.

Жарыс Жақсылық Үшкемпіров атындағы жеке жекпе-жек сарайында өтеді. Ресми ашылу салтанаты – 1 маусым күні сағат 16:00-де болады.