Бүгін еліміздің 10 қаласында жайсыз метеорологияық жағдай қалыптасады

АСТАНА. ҚазАқпарат – Бүгін еліміздің 10 қаласында жайсыз метеорологиялық жағдай қалыптасып, ауа ластанады, деп хабарлайды ҚазАқпарат «Қазгидрометке» сілтеме жасап.

«2023 жылғы 3 ақпанда Петропавл, Қостанай, Көкшетау, Павлодар, Қарағанды, Теміртау, Өскемен, Семей, Риддер және Астана қалаларында қолайсыз метеорологиялық жағдай қалыптасады»,-делінген хабарламада.

Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.

Қолайсыз метеорологиялық жағдай кезінде елдімекендердегі атмосфералық ауаның сапасы нашарлауы ықтимал.