Бүгін еліміздің батыс өңірінде күн ыстық болса, шығысында бұршақ жауады - Қазгидромет
АСТАНА. ҚазАқпарат - Республикамыздың басым бөлігінде ауа райының тұрақсыздығы сақталады, бірқатар жерлерде жаңбыр жауады, деп хабарлайды «Қазгидрометке» сілтеме жасап ҚР ТЖМ баспасөз қызметі.
Кейбір аймақтарда жел күшеюі мүмкін, бұршақ жауып, тұман түседі.
Алматы, Оңтүстік Қазақстан, Қостанай, Қарағанды, күндіз Жамбыл, Батыс Қазақстан облыстарында желдің күші 18-23 м/с-қа дейін барады. Солтүстік Қазақстан мен Ақмола облысында да екпіні 15-20 м/с жел соғып, тұман түседі.
Шығыс Қазақстан облысының кей жерлерінде екпіні 17-22 м/с болатын жел соғып, бұршақ жауады. Ал Атырау, Батыс Қазақстанның кей жерлерінде және Ақтөбе облысында қатты ыстық болады.
