Бүгін еліміздің жеті өңірінде дауылды ескерту жарияланды
АСТАНА. ҚазАқпарат - Бүгін түнде және таңертен Жетісу облысының таулы аудандарында тұман түседі. Солтүстік- шығыстан жел соғады, Алакөл аумағында екпіні 17-22 м/с дейін барады, деп хабарлайды ҚазАқпарат Қазгидрометке сілтеме жасап.
Осы күні Ақмола облысының солтүстігінде, шығысында тұман түседі.
Сол сияқты, түнде және таңертең Маңғыстау облысының солтүстігінде, оңтүстік-батысында, орталығында тұман күтіледі.
Қазақстан облысының солтүстігінде де тұман түсуі мүмкін.
«29 қазанда Түркістан облысының таулы аудандарында тұман күтіледі. Оңтүстік-шығыстан жел соғады, тау асуларында күші 15-20 м/с дейін барады.
Түнде Шығыс Қазақстан облысының солтүстігінде, шығысында, оңтүстігінде көктайғақ, жаяу бұрқасын болуы ықтимал», - деп жазды ведомстводан.
Ал 30 қазанда Жамбыл облысының оңтүстік-батысында қатты жаңбыр, таулы аудандарында қатты жауын-шашын (жаңбыр, қар) жауады. Түнде және таңертең тұман түседі. Солтүстік-шығыстан соғатын жел оңтүстік-батыс желіне ауысады, облыстың оңтүстік-батысында, солтүстік-шығысында, таулы аудандарында 15-20 м/с, 30 қазанда екпіні 23 м/с күтіледі.
