Бүгін елордалық оқушылар «Бәйтерек» монументінің алдында өлең оқиды
АСТАНА. ҚазАқпарат - Бүгін Астананың 12-15 жас аралығындағы оқушылары Бәйтерек монументінің алдында мәнерлеп өлең оқиды.
Шара ұйымдастырушылары хабарлағандай, бұл «Жас көшбасшы мектебі» бағдарламасының өзіндік шешуші емтиханы. Жалпы, оның мақсаты - балаларды өмір сындарынан өтуге және тәуелсіз болуға үйрету, деп жазады strategy2050.kz.
Шара ұйымдастырушысы - тәжірибелі психолог, шешендік өнерінен белгілі жаттықтырушы Меруерт Жүнісбек.
«Көпшілік алдына шығып сөз сөйлеп, мәнерлеп өлең оқу жасөспірімдердің өз бойларындағы қорқыныштарын жеңуге және өзінің ішкі жан-дүниесін ашып көрсетуге жәрдемдеседі», - делінген хабарламада.
