Бүгін футболдан Қазақстан мен Германия құрамалары кездеседі

АСТАНА. 22 наурыз. ҚазАқпарат - Бүгін елордадағы «Астана Арена» стадионында Қазақстан мен Германия құрамалары арасында футбол матчы өтеді.

2014 жылы өтетін Әлем чемпионатының іріктеу кезеңіндегі ойынға грекиялық Тасос Какос төрелік жасайды.

Айта кетерлігі, екі команда үшін де бұл 5-ші ойын. Қазіргі уақытта С тобында 10 ұпайы бар Германия көш бастап келеді. Ал Қазақстан құрамасы тек жалғыз ұпамен 4-ші орынға тұрақтаған. Қазақстан мен Германия құрамалары арасында келесі ойын 26 наурыз күні Нюрнбергте өтеді.

Есте болса, бұған дейін біздің футболшылар Еуро-2012 іріктеу кезеңінде немістермен 2 рет кездесіп, жеңіліп қалған болатын.

1. Германия - 4 матч, 10 ұпай;

2. Швеция - 3 матч, 7 ұпай;

3. Ирландия - 3 матч, 6 ұпай;

4. Австрия - 3 матч, 4 ұпай;

5. Қазақстан - 4 матч, 1 ұпай;

6. Фарер аралы - 3 матч, 0 ұпай.

Әлем чемпионатының іріктеу турнирі аясында өтетін Қазақстан мен Германия құрамалары арасындағы кездесу түнгі сағат 12-де басталады.