Бүгін Қазақстанның 1-ракеткалары Рыбакина мен Бублик туған күндерін атап өтуде
АСТАНА. ҚазАқпарат – Бүгін Қазақстанның бірінші ракеткалары Елена Рыбакина мен Александр Бублик туған күндерін атап өтуде, деп хабарлайды ҚазАқпарат тілшісі.
Е.Рыбакинаның 24, А.Бубликтің 26 жасқа толуына орай Қазақстан теннис федерациясы әлеуметтік желілерді еліміздің көшбасшы ойыншыларын құттықтады.
Сондай-ақ теннисшілердің туған күндеріне байланысты жанкүйерлер мен әлеуметтік желі қолданушылары тілектерін жолдауда.
Қазіргі таңда Елена Рыбакина дүниежүзілік рейтингіде үздік үштікті түйіндесе, Александр Бублик 47-орында тұр.
Нағыз дер шағында жүрген теннисшілердің өз көрсеткіштерін жақсартуы үшін мүмкіндіктері толық жетеді. Ол үшін алдағы Берлин, Уимблдон секілді ірі жарыстарда табысты өнер көрсетулері керек.
