Бүгін Қазақстанның солтүстік, шығыс және орталық аймақтарында температура - 40 - 43 градусқа дейін төмендеуі мүмкін - Қазгидромет
АСТАНА. Ақпанның 9-ы. ҚазАқпарат - «Қазгидрометтің» болжауынша бүгін, ақпанның 9-ы күні Қазақстанның оңтүстік, оңтүстік-шығыс және шығыс аймақтарына атмосфералық ағымдар бөліктерінің ықпалы сақталады.
Ал республиканың қалған аумақтарындағы ауа райын антициклонның суық тарамдары анықтайтын болады.
Мәселен, Алматы, Жамбыл, Қызылорда, Маңғыстау, Ақтөбе және Шығыс Қазақстан облыстарының кей аумақтарында бұрқасындатып, 15-20 м/с жылдамдықпен жел соғады деп күтілуде.
Оңтүстік Қазақстанда - кей жерлерде тұман, көктайғақ болады, секундына 15-20 метр жылдамдықпен жел соғады.
Батыс Қазақстан және Атырау облыстарының кей жерлерінде оңтүстік-шығыстан соққан желдің екпіні 15-20 м/с-қа жетеді.
Қарағанды облысында кей аумақтарда бұрқасын болады деп болжануда.
Ал Қостанай, Солтүстік Қазақстан, Ақмола, Павлодар, Қарағанды және Шығыс Қазақстан облыстарының жекелеген аумақтарында -40-43 градусқа дейін үскірік аяздар болуы ықтимал.
