Бүгін Қазанда Қазақстанның қос боксшысы шешуші шайқасқа түседі

АСТАНА. 10 шілде. ҚазАқпарат - Бүгін Қазан қаласында өтіп жатқан ХХVII Жазғы универсиаданың бесінші күнінде ең мықты боксшылар алтын жүлде үшін тартысты жекпе-жектерін өткізеді.

Соңғы күнгі шешуші шайқасқа Қазақстанның қос былғары қолғап шебері шығады. Атап айтқанда, 56 келіге дейінгі салмақ бойынша Рустам Рустамов ресейлік Сергей Водопьяновпен шаршы алаңда кездеседі.

Сондай-ақ аса ауыр салмақта (+91) Жан Кособуцкий Ресейдің тағы бір боксшысы Магомед Омаровпен қолғап түйістіреді.

Айта кетейік, он салмақ бойынша өтетін финалдық жекпе-жектердің 8-інде Ресей боксшылары шаршы алаңға шықпақшы.