Бүгін Қазанда студенттердің 2013 жылғы Жазғы универсиадасы басталады
АСТАНА. 6 шілде. ҚазАқпарат - Сенбі күні Қазанда жазғы Универсиада-2013 спорттық шарасының салтанатты ашылуы болады.
Студенттердің жазғы жарыстары Халықаралық университет спорты федерациясымен екі жылда бір рет өткізіледі. Қазан Универсиаданы өткізу құқығына 2008 жылы қол жеткізді.
Универсиада-2013 барысында 27 спорт түрінен 350 медаль жиынтығы сарапқа салынады. Жарыстар 17 шілдеге дейін жалғасады.
Татарстан Президенті Рустам Миннихановтың сөзіне қарағанда, 2009 жылдан бері спорттық және көліктік нысандардың құрылысына, сондай-ақ Универсиада қарсаңында инфрақұрылымды құруға 220 млрд. рубльден астам қаржы бөлінді.
Бұған дейін хабарлағанымыздай, аталмыш Универсиадаға Қазақстанның 135 спортшысы аттанды.
