Бүгін Польша Президентінің инаугурациясы болады
АСТАНА. Тамыздың 6-сы. ҚазАқпарат - Польшаның жаңадан сайланған Президенті Бронислав Коморовский бүгін, жұма күні ант қабылдап, мемлекет басшысы міндетіне ресми кіріседі.
«Маяк» радиосының ақпараты бойынша, инаугурация рәсімі мәскеу уақыты бойынша сағат 12.00-де Польша Сеймінің мәжілістер залында өтеді.
Тамыздың 3-інде Польшаның Жоғарғы соты мерзімінен бұрын өткен президенттік сайлаудың заңдылығын таныды. Сот сондай-ақ сайлауға қатысты 16 арыз-шағымды негізді деп таныды, бірақ та, судьялардың пікірінше, ол кемшіліктер дауыс берудің қорытындысына анау айтқандай әсерін тигізе алмайды, себебі екі үміткердің арасындағы айырмашылық 1 миллионнан астам дауысты құраған.
