Бүгін Ресей, Қырғызстан және Әзербайжан КВН командалары «Астана кубогын» сарапқа салады
АСТАНА. ҚазАқпарат - Астанада қала күніне орай ондаған мерекелік шара ұйымдастырылып жатыр. Соның ішіндегі көңілді шаралардың бірі - «Астана кубогы» екінші қазақстандық КТК фестивалі. Бұл туралы astana.kz сайтына Астана қаласының 16 жылдығына арналған мерекелік шараларды дайындау және өткізу жөніндегі ұйымдастыру комитетінің медиа-штабынан хабарлады.
КТК командаларының фестивалі аясында "РУДН құрамасы" (Мәскеу), "СОЮЗ"(Түмен), "Азия MIX" (Бішкек), "Қазақстанның жаңа құрамасы" (Астана), "Баку құрамасы" (Әзербайжан) командалары жарысқа түседі. Танымал КВН командалары қала тұрғындары мен қонақтарына тамаша көңіл-күй, риясыз күлкі сыйламақ. Мерекелік шара 3 шілдеде сағат 18:00 Конгресс-холда өтеді.
