Бүгінде елімізде 18,3 млн. тонна астық бастырылды

ТАНА. 19 қыркүйек. ҚазАқпарат /Руслан Ғаббасов/ - Бүгінде елімізде 18,3 млн. тонна астық бастырылды. Бұл туралы бүгін Ауыл шаруашылығы министрі Асылжан Мамытбеков айтты.

«Қазіргі кезде астықтың 72 пайызы жиналды. Атап айтқанда 18,3 млн. тонна астықты бастырдық. Алдын ала болжамда біз 18 млн. тонна астық жинаймыз деп жоспарлаған едік. Енді бұл көрсеткішті түзететін боламыз»,-деді министр. А. Мамытбековтың пайымдауынша, биыл жиналатын астық көлемі 20 млн. тоннадан асуы мүмкін. Республика бойынша орташа астық шығымдылығы гектарына 15,7 центнерді құрап отыр.