Бүгіннен бастап Ресей мен АҚШ арасында визалық режім жеңілдетіледі
АСТАНА. 9 қыркүйек. ҚазАқпарат - Бүгіннен бастап Ресей мен АҚШ арасындағы визалық режімді жеңілдету туралы келісім өз күшіне енеді,
деп хабарлады Утро.ру
Ресей СІМ-нің ақпаратына қарағанда, келісім Ресей мен АҚШ азаматтарына екі елге де келген кездерінен бастап алты айға дейін бірнеше мәрте келуге мүмкіндік беретін үшжылдық виза беру қарастырады. Ресейде азаматтар мен ұйымдардың шақыруымен іскерлік, жеке, гуманитарлық және туристік, ал АҚШ-та туристік, бизнес визалар рәсімделетін болады.
Ресейдегі АҚШ елшісі Майкл Макфолдың атап өтуінше, Құрама Штаттар Ресеймен визаны толық жоюға ниетті. Оның пайымынша, жаңа келісім екіжақты қарым-қатынастағы үлкен қадам болып табылады.
