Бүгін Ақмола, Қарағанды облыстарында қар жауады
АСТАНА. KAZINFORM – Қазгидромет ел аумағында 31 наурызда болатын қауіпті метеорологиялық құбылыстарға болжам жасады.
Синоптиктердің мәліметінше, Қазақстанның басым бөлігінде ауа райының тұрақсыз сипаты сақталады.
«Жауын-шашын күтіледі, түнгі уақытта жаңбыр мен қар түрінде, күндіз жаңбыр түрінде. Ақмола, Қарағанды облыстарында түнде қар жауады. Алматы және Жетісу облыстарында қатты жауын-шашын (жаңбыр, қар) күтіледі», — делінген ақпаратта.
ҚР бойынша тұман, солтүстікте, шығыста, орталықта көктайғақ болады.
