Бүгін ел аумағында жел күшейіп, тұман түседі
АСТАНА. KAZINFORM — Қазгидромет РМК ел аумағында 14 ақпанда болатын қауіпті метеорологиялық құбылыстарға болжам жасады.
Дерекке қарағанда, атмосфералық фронттардың өтуіне байланысты еліміздің солтүстігінде, шығысында қар жауып, бұрқасын күтіледі, оңтүстігінде жауын-шашын (жаңбыр, қар) жауады.
- Тек еліміздің батысында, солтүстік-батысында, оңтүстік-шығысында жауын-шашынсыз ауа-райы сақталады. Республика бойынша желдің күшеюі, тұман, оңтүстігінде, орталығында – көктайғақ болады, - деп жазды синоптиктер.
Бұған дейін синоптиктер бүгінгі ауа райына байланысты 17 облыс пен 3 мегаполистің тұрғындарына ескерту жасаған.
