Бухарест қаласында аптап ыстыққа байланысты жұмыс күні қысқартылды

Бухарест
Фото: euronews.com

АСТАНА. KAZINFORM – Бухарест қаласында аптап ыстықтан көптеген ұйым, компания қызметкерлерінің жұмыс уақыты қысқарып, жұмысшылар үйлеріне ерте қайтып жатыр. Бұл туралы Euronews жазды. 

Қолайсыз ауа райынан қаладағы мейрамханалар мен кафеде жұмыс істейтін қызметкерлер зардап шегуде. 

«Ауа температурасы 50 градус болуы әбден мүмкін, өлшеп көрген жоқпын. Соған қарамастан кезектесіп жұмыс істеудеміз. Біз бұл ыстыққа төтеп бере аламыз», - деді бас аспаз Юстиан Манеа.

Ми қайнатар ыстық кезінде жедел жәрдем шақырушылар саны артқан. Айталық, дүйсенбінің өзінде 1 300-ден астам адам дәрігердің көмегіне жүгінген. 

Метеорологтар Бухарест қаласындағы қатты ыстық ауа райы кем дегенде екі күнге созылады деп болжам жасады. 

Соңғы жаңалықтар
telegram