08:11, 30 Қыркүйек 2016 | GMT +6
Бүкіләлемдік допингке қарсы агенттік тыйым салынған препараттар тізімін жариялады
АСТАНА. ҚазАқпарат - Бүкіләлемдік допингке қарсы агенттік (WADA) 2017 жылға спортшылардың пайдалануына тыйым салынған жаңартылған тізімді жариялады. Жаңа тізімде мельдоний де бар.
WADA басшысы Крейг Риди спортшылардың жаңа тізіммен танысуына 3 ай барын атап өтті. «Оларда уақыт жеткілікті. Әлем спортшылары осы стандартқа сай болуы тиіс, бұл ережелерді қасақана бұзған спортшы жазаланатын болады», - деп мәлімдеді ол.
Тыйым салынған препараттардың жаңартылған тізімі 2017 жылдың 1 қаңтарында күшіне енеді, деп хабарлады ұйымның ресми сайты.