«Булгарияда» қаза тапқандардың барлығының мәйіті табылды - Қазан
АСТАНА. 25 шілде. ҚазАқпарат - Құтқарушылар «Булгария» теплоходы апатынан көз жұмған соңғы екі адамның мәйітін тапты. Бұл туралы Татарстан ТЖМ бас басқармасы хабарлайды, деп мәлім етті ВВС Орыс қызметі.
«Тағы екі адамның мәйіті табылды. «Булгария» теплоходы жолаушыларының анықталған тізіміне сәйкес қайтыс болған адамдардың барлығының мәйіті табылды», - деді ведомство өкілі.
Сайып келгенде, Куйбышевский су қоймасындағы қайғылы оқиға құрбандарының жалпы саны 122 адамға дейiн артты.
Ресей Тергеу комитетiнiң мәлiметiне сәйкес, апат кезінде кемеде 201 адам болған, оның 79-ы құтқарылды.
