Бурабайда 2013 жылы салынуы тиіс болған экологиялық зертхана құрылысы тұралап тұр
АСТАНА. ҚазАқпарат - Бурабай курорты аумағында экологиялық зертханасының құрылысы жобалау-сметалық құжаттаманың болмауына байланысты жүргізілген жоқ. Бұл туралы «ҚазАқпарат» агенттігінің ресми сауалына берген жауабында ҚР Энергетика министрлігі мәлім етті.
«Бурабай курорттық аймағының аумағында экологиялық зертхана құрылысына қатысты - Қазақстан Республикасының республикалық бюджетінде экологиялық зертхана ғимаратының құрылысына қаражат қарастырылған жоқ, себебі жобалау-сметалық құжаттамасы болмаған», - делінген министрліктің хабарламасында.
Энергетика министрлігінің мәлімдегеніндей, оның жобалау-сметалық құжаттамасына бұрынғы ҚР Қоршаған ортаны қорғау және су ресурстары министрлігі жауапты болатын.
Айта кетейік, «Назарбаев Университетінің» Ақмола облысы Бурабай курорттық аумағында экологиялық зертханасының құрылысын 2013 жылы басталуы тиіс болған.
