Бурабайдың сауықтыру орталықтары Арыс қаласынан 100 баланы қабылдауға әзір
КӨКШЕТАУ. ҚазАқпарат - Ақмола облысының активі Арыс қаласында болған төтенше жағдайға байланысты жергілікті тұрғындарға көмек көрсету туралы шешім қабылдады, деп хабарлайды ҚазАқпарат тілшісі облыстық ішкі саясат басқармасына сілтеме жасап.
«Ұлы Далада қиын-қыстау кезде адамдардың бір-біріне көмек қолын созу дәстүрі бар. Бірінші көмек балаларға қатысты. Бүгінгі күні Щучинск-Бурабай курорты аумағындағы балалардың сауықтыру орталығының бесеуі 100 баланы қабылдауға әзір. Қазіргі кезде Арыс қаласының әкімдігімен келіссөздер жүргізіліп, тізімі нақтылануда. Бұл бастамаға бизнес-қауымдастық, мемлекеттік емес ұйымдар, жалпы, жергілікті қауымдастық атсалысуға белсенділік танытып отыр», дейді Ақмола облысы ішкі саясат басқармасының баспасөз қызметі.
