Бұрын-соңды болмаған эпидемия: Жапонияда 3 млн адам тұмауға шалдықты
АСТАНА. ҚазАқпарат - Жапонияда тұмау эпидемиясы өршіп тұр, бүгінгі күні вирусты 2,83 млн адам жұқтырған. Оның үстіне, елде дәрігерлердің тапшылығы байқалуда, деп хабарлайды ҚазАқпарат Белта ақпарат агенттігіне сілтеме жасап.
Жапонияның Денсаулық, еңбек және әл-ауқат министрлігінің мәліметінше, қазіргі уақытта тұмауға шалдыққан 52 науқасқа бір дәрігерден келеді. Ал Косю аралында бір дәрігер 80 сырқатты қабылдауда.
Елде соңғы аптада індетті жұқтырғандардың саны 1 млн адамға артқан. Жапониялықтарға адам көп шоғырланған жерлерге бармауға, бетперде тағып жүруге және қолды жиі жууға кеңес берілді.
