БҰҰ: 2013 жыл туристер үшін қолайлы жыл болды
АСТАНА. 21 қаңтар. ҚазАқпарат - Әлемнің бірқатар жеріндегі экономикалық тұрақсыздыққа қарамастан 2013 жылы 1,1 миллиард адам туристік сапарлар жасаған. Осы арқылы өткен жыл туристік индустрия үшін рекордтық көрсеткішпен ерекшеленіп отыр. Бұл туралы БҰҰ мәліметтерінде хабарланды.
Оңтүстік-Шығыс Азия мен Африкадағы туризм айтарлықтай өсімге ие болды. Бұл өңірлерге адамдар сәйкесінше 10 және 6 пайызға көбірек саяхат жасады. Еуропа да туристік бағыт тұрғысында тартымды өңір ретінде белгілі болды, ал Қытай екінші жыл қатарынан туристердің мекені ретінде орнын сақтап қалды.
