БҰҰ әлемдегі шарасыздықтан қоныс аударушылардың жалпы санын атады
АСТАНА. ҚазАқпарат - 2016 жылдың соңында әлемде шиеленістер мен қуғындаудың салдарынан босқынға айналып, шарасыздықтан қоныс аударғандардың жалпы саны - 65,6 млн адамға жеткен.
Мұндай деректер БҰҰ-ның босқындар ісі жөніндегі Жоғарғы комиссар басқармасының жыл сайынғы баяндамасында келтіріледі, деп хабарлайды Росбалт.
«Орта есеппен өткен жылы әр минут сайын 20 адам өз үйін тастауға мәжбүр болған, яғни әр үш секунд сайын бір адамнан көшіп отырған», - делінген құжатта.
Сондай-ақ, ең көп босқындар Сириядан келген (5,5 млн адам), одан кейінгі орында Оңтүстік Судан тұр. Өткен жылдың соңында саяси дағдарыстың салдарынан бұл елді 737 мыңнан астам адам тастап шыққан.
