БҰҰ: Ауғанстанға гуманитарлық көмек көрсету үшін $430 млн қажет
АСТАНА. ҚазАқпарат - БҰҰ халықаралық донорлардан 2018 жылы Ауғанстанға гуманитарлық көмек көрсету үшін $430 млн бөлуін сұрады. Бұл туралы дүйсенбі күні аталған халықаралық ұйымның бас хатшысының ресми өкілі Стефан Дюжаррик журналистерге хабарлады, деп жазады ТАСС.
«Гуманитарлық көмек мәселесін әкімшілендіру басқармасы 2,8 млн көмекке зәру адамға қол ұшын беру үшін $430 млн қажет екенін мәлім етті», - деді ол.
Оның айтуынша, бұл қаржы қақтығыс және табиғи апат салдарынан өз үйлерін тастап шыққан адамдарға, жаралы адамдарды емдеуге, балаларды азық-түлікпен қамтуға жұмсалады.
Сондай-ақ, Дюжаррик өткен демалыс күндері БҰҰ ҚК делегациясы 7 жылдан соң алғаш рет Ауғанстанға барғанын атап өтті.
