БҰҰ Бас Ассамблеясының отырысы Чернобыль апатына арналады
АСТАНА. 26 сәуір. ҚазАқпарат - БҰҰ Бас Ассамблеясының 65-ші сессиясының аясында бүгін, 26 сәуірде өтетін арнайы пленарлық отырыс Чернобыль атом-электр стансасындағы апатқа арналады.
Бұл туралы «РИА «Новости» агенттігі хабарлады.
Мәжіліске қатысушылар Чернобыльдағы апаттың салдарын зерттеу және оның қоршаған ортаға тигізіп отырған әсерін барынша азайту жөніндегі іс-шараларды күшейту, сондай-ақ халықаралық ынтымақтастықты нығайту мәселелерін талқылайды.
