БҰҰ басшысы: Газа секторының солтүстігіндегі бейбіт тұрғындардың жағдайы ауыр «төзу мүмкін емес»
АСТАНА. KAZINFORM — БҰҰ Бас хатшысы Антониу Гутерриш Израильдің қарқынды әскери операциясы жалғасып жатқан Газа секторының солтүстігіндегі қаза болғандар, жараланғандар мен қираған ғимараттар ауқымына «таңқалды» деді оның баспасөз хатшысы мәлімдемесінде. Бұл туралы Синьхуа агенттігі жазды.
Газаның денсаулық сақтау министрлігінің мәлімдемесіне сәйкес, соңғы бірнеше аптада Газада жүздеген адам қаза тауып, 60 мыңнан астам адам қайта қашуға мәжбүр болды, көпшілігі қайтып орала алмаймыз деп қорқады, делінген хабарламада.
Мәлімдемеде «Газаның солтүстігінде қамауда қалған палестиналық бейбіт тұрғындардың жағдайы адам төзгісіз» делінген.
Біріккен Ұлттар Ұйымының Бас хатшысы өз мәлімдемесінде қақтығыс тараптары бейбіт тұрғындарды, соның ішінде гуманитарлық қызметкерлер мен алғашқы көмек көрсетушілерді құрметтеуге және қорғауға тиіс, олардың өмірлік маңызды жұмысы жеңілдетіліп, қорғалуы тиіс екенін атап өтті.
БҰҰ басшысы тез арада атысты тоқтатуға, барлық кепілге алынғандарды шұғыл әрі сөзге келместен босатуға және халықаралық құқыққа сәйкес қылмыстар үшін жауапкершілікке тарту туралы үндеулерін қайталады.
