БҰҰ-ның тұрақты үйлестірушісі Қазақстандағы миссиясын аяқтады

НҰР-СҰЛТАН. ҚазАқпарат - Сыртқы істер министрі Мұхтар Тілеуберді БҰҰ-ның Қазақстандағы тұрақты үйлестірушісі Норимаса Шимомураны қабылдады, деп хабарлайды ҚазАқпарат ҚР Сыртқы істер министрлігінің ресми сайтына сілтеме жасап.

«Сыртқы істер министрі Мұхтар Тілеуберді БҰҰ-ның өкіліне еліміздегі миссиясының аяқталуына байланысты Президент Қасым-Жомарт Тоқаевтың алғыс хатын табыстады. Сыртқы саяси ведомство басшысы Норимаса Шимомураға БҰҰ-мен қарым-қатынасты дамытуға қосқан үлесі, сондай-ақ Дүниежүзілік ұйым алаңында қазақстандық бастамаларды жүзеге асыруда белсенді қолдау көрсеткені үшін алғыс айтты», - деп жазылды ҚР Сыртқы істер министрлігінің ресми сайтында.

Автор: Әлихан Асқарұлы