БҰҰ Сирияның солтүстігіндегі қақтығыстарға байланысты 66 мың адамды көшірген
АСТАНА. ҚазАқпарат - БҰҰ деректеріне сәйкес Сирияның солтүстігіндегі «Ислам мемлекеті» лаңкестік ұйымының содырларымен соғыс әрекеттеріне байланысты 66 мың адам көшірілген, деп хабарлады kommersant.ru.
«Оның 40 мыңы Эль-Бабтан Тадефке, 26 мың адам Эль-Бабтың шығысына көшірілді», - делінген БҰҰ гуманитарлық мәселелерді үйлестіру басқармасының мәлімдемесінде.
Еске салсақ, ақпанда Түркия Қарулы Күштерінің бас штабының бастығы Хулуси Акар «Ислам мемлекеті» ұйымының негізгі орындарының бірі саналатын Эль-Бабаны басып алу операциясы аяқталғанын хабарлаған. Соңғы айларда қаланы азат етуге сириялық оппозиция күші мен түрік әскерлері жіберілген.
