Бюджеттік қаражатты қымқырғаны үшін «Межрегионкомплект-Астана» ЖШС директоры ұсталды
АСТАНА. ҚазАқпарат - Астана қаласы мемлекеттік кіріс департаменті экономикалық тергеу қызметі ҚР ҚК 176-бабы 3-бөлігі «б» тармағы бойынша «Межрегионкомплект-Астана» ЖШС бас директоры П.А. Енинге қатысты ҚР Энергетика министрлігінің шағымы бойынша қылмыстық істі аяқтады.
Ведомствоның ақпарат қызметінде хабарланғандай, П.А. Енин 2011 жыл кезеңінде Ақмола облысында «Бурабай» геофизикалық обсерваториясын қайта көшіру жұмыс жобасы бойынша құрылыс-монтаждау жұмыстарын жүргізуге мемлекеттік сатып алу туралы жасалған шарт аясында ҚР Индустрия және жаңа технологиялар министрлігі бөлген 240 млн. теңгеден астам бюджет қаражатын қымқырған.
Қазіргі уақытта қылмыстық іс Астана қ. Сарыарқа ауданы №2 аудандық сотының қарауында жатыр. Күдікті Енин қамауға алынды.
Үрдіс нәтижелері жұртшылыққа жеткізілетін болады, деп атап өтті Астана қаласы бойынша МКД.
