«Challenge Cup» халықаралық турнирінің алғашқы айналымында қазақстандық волейболшылар 3-ші орынды қанағат тұтты

АЛМАТЫ. 24 мамыр. ҚазАқпарат - 21-23 мамыр күндері Қытайдың Лохе қаласында волейболдан «Challenge Cup» халықаралық турнирінің бірнші айналымы өтті. 29 мамыр күні аяқталатын бұл жарыстың екінші айналымы енді Лоян қаласында жалғаспақ.

Геннадий Паршин жаттықтыратын ұлттық құрама Қытай құрамасына 0:3 және сол елдің «Henan Tianguan» командасына 2:3боп ұтылып, Үндістан құрамасынан ғана 3:2 есебімен басым түсті. Барлық ойында жеңіске жеткен Қытай құрамасы 9 ұпаймен бірінші сатыға шықса, бір ойында ғана қарсыластарын ұтқан Үндістан мен Қазақстан құрамасы және «Henan Tianguan» командасы 3 ұпай жинады. Олар бір-бірінен тек доп айырмасы мен ұпай дәрежесі бойынша ғана 2-4 орындарды өзара бөлісуде.