Чехияда инфляция 18 пайызға жетті
БРЮССЕЛЬ. ҚазАқпарат – Чехияның статистика басқармасының мәліметінше6 биыл қыркүйекте елдегі инфляция рекордтық көрсеткішке жетіп, 18 пайызды құрады, деп хабарлайды ҚазАқпараттың меншікті тілшісі.
Тұтыну бағасы қыркүйекте осы жылдың тамыз айымен салыстырғанда 0,8% өсті.
Сонымен табиғи газ 15,2 %, электр энергиясы 3,6 %, қатты отын 6,9 %, жылу мен ыстық су 0,8 % қымбаттаған.
Мейрамханалар мен қонақүйлерде қоғамдық тамақтану қызметтерінің бағасы 2% өсті.
Тұрмыстық техниканың бағасы - 2,3%, үйді күрделі жөндеуге арналған тауарлар мен қызметтердің бағасы 3,5% қымбаттаған.
Инфляция елдің білім беру секторына да әсер етті. Оқу бағасы - 6,4% (балабақшаларда - 5,7%, жекеменшік орта мектептерде - 6,7%, шет тілін оқыту курстарында - 9,2%) өсті.
Қатты отын бағасы бір жылда 55,8% қымбаттаған.
Чехияның үй шаруасындағы адамдар қазір жалдау ақысы, су, кәріз және жылу үшін айтарлықтай көп төлейді. Азық-түлік бағасының өсімі де өте жоғары.
2021 жылдың қыркүйегімен салыстырғанда ет 23,6%, ал сүт, ірімшік және жұмыртқа орташа есеппен 25,8% қымбаттаған.
Бұл 2022 жылдың тамызымен салыстырғанда бағаның жедел өскенін көрсетеді.
Фото: news.myseldon.com
