Чехияда қымбатшылыққа наразы мыңдаған адам шеруге шықты
ПРАГА. ҚазАқпарат – Прага орталығында «Кедейлікке қарсы» ұранмен өткен митингіге бірнеше мың адам жиналды. Үкіметтен көмек талап еткен шеруді Чехия кәсіподақтар конфедерациясы ұйымдастырған, деп хабарлайды ҚазАқпарат DW-ге сілтеме жасап.
8 қазан күні Прагадағы Вацлав алаңына энергия мен азық-түлік бағасының өсуіне наразылық білдірген бірнеше мың адамды жиналды.
Олар қазіргі уақытта айына 644 еуроны құрайтын ең төменгі жалақыны көтеруді, сондай-ақ күнделікті тұрмыстық тауарлар бағасына мемлекеттік реттеуді енгізуді талап етті.
Айта кетейік, Ұлттық статистика ведомствосының мәліметінше, тамыз айында Чехиядағы бағаның өсуі жылдық мәнде 17,2 пайызды құрады. Шұғыл шара ретінде премьер-министр Петр Фиала бастаған оңшыл орталық үкімет қараша айының басынан бастап күшіне енетін үй шаруашылықтары мен шағын кәсіпорын үшін электр энергиясына және газ бағасына шектеу қойған болатын.
Фото: dw.com
