Чехияда пойыз бен жүк көлігі соқтығысып, 21 жолаушы зардап шекті
ПРАГА. ҚазАқпарат – Пойыздағы 65 жолаушының арасында 19 оқушы болған, деп хабарлайды ҚазАқпарат ABC News агенттігіне сілтеме жасап.
Елдің Ұлттық құтқару қызметінің мәліметінше, пойыздың 9 жолаушысы орташа дәрежеде, қалған 12 жолаушы, соның ішінде екі оқушы жеңіл жарақат алды.
Полиция пойыздағы 65 жолаушының ішінде 19 оқушы болғанын хабарлады.
Апат жергілікті уақыт бойынша шамамен сағат 14:00-де, Либерец қаласына жақын жердегі Страж-над-Нисоу теміржол өткелінде, Прагадан солтүстікке қарай 100 шақырым жерде болған.
Оқиғаның мән-жайлары анықталуда.
