Чехияның 19 елді мекенінде төтенше жағдай жарияланды

АСТАНА. 2 маусым. ҚазАқпарат - Чехияның 19 елді мекенінде күшті жауын-шашынның салдарынан өзендердегі су деңгейінің көтерілуіне байланысты төтенше жағдай жарияланды.

Бұл туралы Чехия гидрометеорология институтына сілтеме жасап РБК хабарлады.

Елдің оңтүстігіндегі су қоймаларының барлығы дерлік су тасқыны қаупінің екінші деңгейіне жетті. Бланице, Отаве, Полечнице және Мальше өзендерінде су деңгейі едәуір көтерілген.

Елдің оңтүстік өңірлерінде түскен жауын-шашын жағдайды одан сайын күрделендіріп отыр. Алынған мәліметтерге сәйкес, осы аймақта 40-50 мм жауын-шашын жауған.