Челябі-Новосібір тас жолындағы жол апатынан бес адам қаза тапты - ТЖМ
АСТАНА. 27 қараша. ҚазАқпарат - Челябі-Новосібір тас жолынының 616 шақырымында, Қазақстанның солтүстігіндегі М.Жұмабаев ауданында жеңіл көлік пен жүк көлігінің соқтығысуынан бес адам қаза тапты, деп хабарлайды ҚР Төтенше жағдайлар министрлігінің баспасөз қызметі.
ТЖМ баспасөз қызметінің ақпаратына сәйкес, жол-көлік апаты 26 қараша, сағат 14.00-де «ВАЗ» автокөлігі мен «Вольво» жүк көлігінің соқтығысуынан болған. Жеңіл автокөліктің 22 жастағы жүргізушісі, оның жолаушылары, 46 жастағы әйел, 22 жастағы жас жігіт пен бойжеткен, сондай-ақ екі жасар сәби оқиға орнында көз жұмған.
