Чилидегі алапат өрт 100 үйді күлге айналдырды
АСТАНА. ҚазАқпарат - Чилидің Вальпараисо қаласының маңында орын алған алапат өрт кем дегенде 100 үйді күлге айналдырды.
Reuters агенттігінің хабарлауынша, мыңдаған адам апат аймағынан кетуге мәжбүр.
Төтенше жағдай барысында бірнеше адам зардап шекті. Олар түтінге уланып қалған.
Құтқарушылардың айтуынша, өртпен күресуге қатты жел кедергі келтіруде. Қазіргі уақытта ол жерден адамдар шұғыл түрде қауіпсіз аймаққа көшіріліп жатыр.
