CNN телеканалының басшысы Джим Уолтон отставкаға кетті

АСТАНА. 28 шілде. ҚазАқпарат - CNN телеканалының президенті Джим Уолтон өзінің отставкаға кететіндігін мәлім етті.

Бұл туралы Би-Би-Си хабарлады.

Соңғы жылдары телекомпания басшылығы қаншалықты тырысып-баққанымен, оның рейтингі төмендей берді.

Уолтон CNN-да жылдың соңына дейін жұмыс істейтін болады, бұл уақытқа дейін телекомпанияның атқарушы директорына CNN президенті лауазымына жаңа адамды табу қажет болады.

CNN телекомпаниясы 1980 жылы құрылды, қазір ол Time Warner телекорпорациясына тиесілі.