Цойдың портреті 200 мың долларға сатылды
АСТАНА. 26 қараша. ҚазАқпарат - «Кино» тобының дауылпазы Густав Гурьянов салған Виктор Цойдың портреті 128,5 мың фунт стерлингке (шамамен 200 мың доллар) сатылды.
Бұл туралы хабарлама британдық Sotheby's бәссауда үйінің сайтында жарияланды.
2013 жылы жазда өмірден озған Густав Гурьянов 1984-1990 жылдар аралығында «Кино» тобында дауылпазда ойнады. Цойдың жол апатынан болған қазасынан кейін Гурьянов бейнелеу өнерін қолға алды. 1993 жылы ол Көркем өнер жаңа академиясының профессоры атанды.
