Цюрихте ФИФА-ның жаңа басшысын сайлайтын конгресс басталды
АСТАНА. ҚазАқпарат - Цюрихте Халықаралық футбол федерациясының (ФИФА) кезектен тыс конгресі басталды. Онда ұйымның жаңа президенті сайланады, деп хабарлады РИА Новости.
Конгресс бүгін, жұмада Цюрихтегі "Халленштадион" аренасында өтуде. Президентті сайлаудан бөлек конгресс ұйымның басқару құрылымын өзгертетін бірқатар ауқымды реформаны қабылдауы керек.
ФИФА басшысы лауазымына үміткерлер: Иордания ханзадасы Әли бин Әл-Хусейн, УЕФА бас хатшысы Джанни Инфантино, Азиялық футбол конфедерациясының (AFC) президенті шейх Салман бин Ибрагим әл-Халифа, ФИФА бас хатшысының бұрынғы орынбасары француз Жером Шампань және оңтүстікафрикалық Токио Сексвале.
