Д.Ақышев: Ұлттық банктің бұрынғы және қазіргі басшылығы арасында ешқандай алауыздық жоқ
АСТАНА. ҚазАқпарат - ҚР Ұлттық банкінің бұрынғы төрағасымен арамызда еш келіспеушілік жоқ. ҚР Президенті жанындағы Орталық коммуникациялар қызметіндегі брифингте Ұлттық банк төрағасы Данияр Ақышев БАҚ өкілдерінің сауалына орай осылай деді.
«Ұлттық банктің қазіргі басшысы мен бұрынғы басшысы арасындағы өзара қарым-қатынасқа қатысты сұрақ қойылған болатын. Біздердің дұрыс жұмыс қарым-қатынасымыз бар. Өздеріңізде білетіндей, Ұлттық банк - бұл бай әрі терең дәстүрге ие ұйым. яғни, Ұлтық банктің барлық төрағаларының арасындағы қарым-қатынас жақсы», - деді ол.
Оның атап өтуінше, Ұлттық банктің барлық іс-шараларына, мәселен, Ұлттық валюта күніне банктің бұрынғы басшыларының барлығы да шақырылады.
